系列: 中佬日誌

【曼德拉回憶】 M記原來曾經有黑膠點唱 ! 5個黑膠碟不能取替的原因(新手入門必備) - LINKO Shop

【曼德拉回憶】 M記原來曾經有黑膠點唱 ! 5個黑膠碟不能取替的原因(新手入門必備)

黑膠碟!咩泥架?而我只知道Apple Music...

 
今時今日,仲有人聽黑膠碟架咩?串流音樂例如Apple Music、Spotify、KKbox,一部手機就可以搞掂,就算連CD都愈嚟愈少有人買,乜真係仲有人會聽黑膠?有!而且大有人在。


黑膠碟,又有人叫電木唱片(英文:vinyl records/gramophone record),轉速每分鐘達到78轉、聲槽寬度0.10—0.16毫米、聲槽密度每厘米30—50條的留聲機唱片。黑膠碟係用石墨材質製成,之後用蟲膠、後期再改用聚氯乙烯,即係PVC壓製,利用上面嘅凹凸坑紋黎記錄聲音。

 (參考圖片)仲記唔記得呢部機?M記嘅黑膠點唱機~記得幾錢一首嗎?

 

黑膠碟播放原理:

黑膠碟嘅原理係利用依靠唱針摩擦唱盤嘅坑紋兩側 ,因為坑紋帶有音訊,所以摩擦震動所產生嘅音訊就可以由針杆傳返去唱頭,產生磁電轉換然後輸出電流,最後經過一連串嘅轉電壓、輸入、還原等過程還原返做音樂,所以唱片嘅類型同埋製作技術會非影響音樂輸出嘅品質。

正當你以為,黑膠碟咁麻煩,碟機有咁大部,以為會開始沒落?不過全世界黑膠唱片嘅銷量卻係不跌反升。2013年,美國銷售咗460萬張黑膠唱片,是2008年嘅5倍左右。據行業統計,2015年全球黑膠唱片銷售額總計達1.71億美元,而2010年前只有5500萬美元。究竟點解黑膠碟咁多年都仲咁流行?等LINKO小編幫你分析一下:

1. 懷舊復古風帶動

以為聽黑膠嘅都係老餅?根據英國唱片業協會調查指出,黑膠唱片最大嘅消費群體係35歲至44歲有佔28.5%,有三分之一(35.3%)嘅35歲以下受訪者都話感受到黑膠唱片嘅吸引力,可見黑膠碟仍然深受年青人擁載。

2. 黑膠唱片生產線持續

根據一項粗略的估計,2015年德國仲有8間生產黑膠唱片嘅公司,美國黑膠唱片廠家數量仲多,有成23間,英國都比德國稍多,有10間,另外,而家坊間亦都有專門售賣關於黑膠唱片嘅網站,例如:https://www.vinylhk.com/,而香港大南街同鴨寮街都唔難發現仲有黑膠唱片賣,例如: White Noise Records 嬉皮感黑膠唱片行 Facebook / @white_noise_records

3. 音質嘅心理作用

雖然根據John Powell 在 2016 喺《好音樂的科學:破解基礎樂理和美妙旋律的音階秘密》提出嘅實驗發現,鍾情唱片嘅人,其實係分辨唔到黑膠唱片與同CD 嘅音質,但同時你又會成日聽到黑膠唱片收藏者,都會認為注重音質嘅人都只會揀黑膠碟黎,可見喺心理上,黑膠唱片係有佢獨特迷人之處。

4. 歌手嘅加持

直至今日,仍然有好多歌手都仲會出黑膠碟,包括一向都好講求作品音質嘅軒叔,早前就推出咗《The Brightest Darkness》嘅唱片版,當然仲有好多歷久不衰嘅經典都有出黑膠唱片版,例如係2016年澤東25周年推出嘅王家衛電影原聲大碟黑膠等等

 
張敬軒
《The Brightest Darkness

黑膠唱片封面

澤東 25 周年
王家衛電影原聲大碟黑膠
《春光乍洩》

5. 黑膠唱片碟普及化

黑膠唱機一向俾人感覺都係好高門檻,以為起碼都要幾千蚊至幾萬蚊起跳,但原來而家有啲嘅入門級型號都只係700800蚊左右,而且質素不比貴價機輸蝕,部分更可以當藍牙喇叭使用,裝飾之餘,仲可以一機多用,超級方便。

產品推介:


【型格復古】- Craft 新手入門 黑膠唱片機(可作藍牙喇叭
 
Tags:

下一頁 【父親節|心理學】5種口罩類型 一睇就知你老豆有幾型?