【動森迷必睇】Switch動物森友會11月超大更新 |新NPC登場!玩家:等咁耐都值! - LINKO Shop

【動森迷必睇】Switch動物森友會11月超大更新 |新NPC登場!玩家:等咁耐都值!

任天堂前晚凌晨公佈咗Switch遊戲「動物森友會」11月份嘅更新,算係有史以嚟最大型同最多新元素嘅免費更新,一眾玩家都覺得等咁耐係值得!今次11月更新分為免費部分同付費部份,作為忠粉嘅小編今次就同大家介紹下免費部分嘅17個驚喜更新啦! 

目錄:

1.博物館新增咖啡廳 

動森咖啡廳

咖啡廳終於出現啦!喺進入藝術館嘅左側會見到一個寫住24小時營業嘅牌,入去之後就會見到鴿子老闆!

動森咖啡廳

動森咖啡廳

玩家可以用200鈴錢坐低飲咖啡,有時更加會撞到其他島民歎緊咖啡~咖啡廳左上位置會見到一部Amiibo機,可以以amiibo卡邀請特定角色嚟食個tea~

2. 新NPC航平帶你出發到神秘島嶼 

動森航平

喺島嘅木板地碼頭會見到新NPC航平,只要俾1000哩數,你就可以坐佢部艇仔,聽住佢唱歌出發去神秘島嶼!

動森航平

要注意呢到出發嘅島嶼係同機場出發(哩數旅行)去嘅島嶼唔同,有可能季節同時間同你原本嘅島唔同,你更會收集到全新嘅素材,至於啲素材可以用嚟DIY啲咩就要到玩個陣先知啦~

3.開放巴獵島
動森巴獵島

之前成日覺得巴獵島淨係可以影相真係嘥咗個島,宜家終於開放巴獵島啦!係巴獵島屋仔右手邊有條路可以進入廣場範圍,入到去會見到賣唔同物品嘅NPC,例如薛革、狐利、駱蘭,但前提係你係需要捐錢俾陶俑先幫到佢地開檔,咁就唔洗每個星期等佢地上自己個島到啦!

動森巴獵島莉詠與健兆

動森巴獵島星薇

另一個重點係你會見返莉詠與健兆夫婦,佢地可以幫你改造玩家無辦法改造嘅家具,例如哩數家具~仲有三位新NPC出場:星薇幫你占卜;刀麗茹幫你剪髮;仲有鎮長Tortimer都再次登場!

 4.耕種食材 ,開放煮食功能

動森耕種食材

煮食功能面世,以後廚房設備再唔係裝飾!

動森耕種食材

首先要喺ATM以哩數換取煮食DIY卡,你就會獲得唔同食譜,而你需要係島上準備幾塊田地去種植食材,主要食材有紅蘿蔔、番茄、小麥、甘蔗、薯仔等等。每一個煮好嘅食物可以補充5/10個體能值,以後唔洗再逐個逐個生果食~ 

5.配合Joy con體感操作於廣場做體操

動森廣場做體操

今次真係要起身一新郁啦!服務處門口右邊會見到一部收音機,喺到可以召集所有島民一齊拉筋(姐係跳廣場舞囉~),你需要將自己嘅Joy Con拆落嚟,然後跟住島民一新郁手郁腳,即刻代入咗入個角色到~~

6.新增兩種拍照視覺 

動森拍照

兩種拍照視覺包括手持相機模式同三腳架模式:手持相機模式就係由自己角色視覺去影,當靠近島民時佢地就知道你要影佢,俾表情你影㗎啦~

動森拍照

三腳架模式就係可以將角度set好,咁自己就可以走埋入鏡頭,唔洗再用上帝視覺影相~

 

7.新增9種柵欄

動森柵欄

包括公園柵欄、磚塊柵欄、冰柵欄、鐵皮柵欄等等,仲可以改變柵欄顔色,成個島嘅設計又可以多元化又靚啲~

 

8.房屋五大改變

A. 新增四款房屋外觀
其中包括日式房屋,個人覺得超特別!可以整返個日式區域~

動森柵欄

B. 擴充倉庫空間至5000
一眾鐘意儲家具嘅玩家又無退坑嘅理由了!夠哂用了~
 
動森倉庫

C. 添加房子天花版家具
除咗牆上物件,宜家天花版都可以放野家具啦~好似吊燈、吊櫃,間屋即刻Modern咗勁多!

動森天花版家具

D. 屋內可自由行走半格空間
「推出一格又太開,推入一格靚啲又行唔到...」宜家就無呢個問題!角色可以自由通過半格空間,咁就可以將空間用盡~

動森半格

E. 牆紙可於單面牆壁使用 
相信大家一定儲埋咗好多牆紙喺倉,宜家可以將牆紙apply落一幅牆到,變咗一間房可以有四款牆紙,一間房都可以有多元風格~

動森

 

9.新增哩數家具;商店新增全新家具;室外儲物櫃及ATM 

動森家具

大量哩數有用啦!新增嘅家具同哩數家具都好靚~

動森

動森

室外儲物櫃姐係屋企個倉庫,咁想拎野就唔洗再不斷出人屋企!而室外ATM喺買大頭菜個陣就可以大派用場啦~

 

10.新增11種髮型;11種表情動作

動森髮型

動森

 

11.掘+種植陶俑,DIY成發聲陶俑小物件

動森陶俑

相信齊化石嘅玩家對於掘地已經無哂興趣,但新更新將會有陶俑同陶俑碎片埋喺地下,而陶俑碎片需要再次埋下並淋出先會種植出陶俑,而最後可以造成發出唔同聲同旋律陶俑小物件,超得意~

 

12.制定島嶼條例

動森島嶼條例

島嶼條例可以跟據自己喜好去set,例如島民作息時間,可決定島民是早睡早起,定係遲遲都唔訓教做夜貓子~

13.「我的設計」圖案可用於牆紙、地板和衣服

動森我的設計

以往只可以用喺衫同改造物件嘅「我的設計」可以用於牆紙地板衣服,屋內風格又多咗!

 

14.手機新增生活支援App

動森

主要給新玩家作為遊戲指南,例如唔知點先可以跳落水,開個App就教到你~

 

15.KK新增12首歌曲;新增音樂盒聽歌

動森

動森

16.增加興建斜坡和樓梯數量;新梯子DIY

動森

斜坡和樓梯數量由最多八條增加到十條,而新梯子可以固定於懸崖邊,取代梯級和斜坡,上落更方便~

 

17.可探訪島民家/邀請島民到家參觀

動森

 

 


Tags:
【智能情報】藍牙V.S Airplay? 如何設定無線 (Wireless)無損音樂播放 Bluesound N130 、NODE2i新舊版本比較(附有影片)

【家居安全隱患】 煙霧感應器必備使用指南!一文睇清消防處官方指引(內附自行測試感應器的方法)