【Watch out!】司機大佬、學神、P牌請注意! 2021年5大香港交通黑點要留意! - LINKO Shop

【Watch out!】司機大佬、學神、P牌請注意! 2021年5大香港交通黑點要留意!

「睇路呀!」

疫情之下,為咗減低同陌生人近距離接觸,好多人都撘少啲公共交通工具,並選擇自駕外出。車多咗,意外嘅機率就自然成正比。喺呢一年間我地都聽過好多交通意外發生,後果令眾人都覺得非常心酸,或者如果司機們可以再小心啲啲咁多,就可以令意外唔發生,但世上又點會有咁多如果呢?

2020年第4季本港交通意外熱點(附地圖標示)

紅色標示:在過去一年之內,發生了6宗或以上涉及行人傷亡的交通意外;或在過去一年之內,發生了9宗或以上涉及傷亡的交通意外

藍色標示:在過去五年之內,發生了2宗或以上涉及死亡的交通意外

 

以下小編幫大家篩選咗五個呢一年比較引人關注嘅交通事故/交通黑點俾大家參考:

 

1. 大埔廣福道- 人車爭路

大埔廣福道

照片來源:香港電台

8月22日大埔廣福道發生一場兩死八傷嘅車禍,一位男士即場死亡。傷者最細年紀只有4歲,而其中一名為孕婦,幸好檢查後確定胎兒穩定。

香港汽車會會長李耀培表示事件唔涉及道路設計或行人問題,而當區區議員都表示因為該地點人同車都比較多,司機好多時都會專登放慢比人過,主要係針對提醒部份老人家,過馬路前要睇清楚交通燈。

 

2. 沙田大涌橋路 - 被大車阻視線

沙田大涌橋路
照片來源:商業電台

 

沙田大涌橋路6月份喺10日内(64日及13日)發生兩宗車禍,首宗係一輛載有五十多名學童嘅校巴同私家車高速相撞,並衝落城門河旁嘅單車徑,約一半學童受傷。而第二宗係一輛小巴同一輛私家車相撞,撞後小巴衝前翻側,司機當場離世。 

李耀培表示,大涌橋路喺近8年嚟發生咗250多宗交通意外,而大車好容易會遮擋到後面嘅細車,令司機們睇燈睇得唔清楚而剎唔切掣,各位駕駛者要格外留意交通指示。

 

3.  觀塘道 - 高難度迴旋處

觀塘道

照片來源:Mapio.net

2020年925日,觀塘翠屏道一車沿觀塘道左四線往九龍灣方向行駛時撞向另一架私家車,並鏟上行人路,撞傷一對母女。

交通工程師、道路安全研究小組主席鄺子憲指出,迴旋處算係對駕駛者最大嘅挑戰,喺2019年,有260宗意外都係喺迴旋處發生,因司機需要打醒十二分精神去multi-tasking,又要轉彎,又要切線,又要避讓其他車,尤其觀塘呢d咁多車嘅地方,揸車真係要睇前睇後多啲。

 

4. 荃錦交匯處 - 胡亂切線易生意外

荃錦交匯處

照片來源:維基百科

3月31日,一輛貨車失控炒上路中分隔嘅石壆,貨車凌空掛喺石壆上,影響到一帶嘅交通情況。荃錦交匯處係二零二零年第四季擁有兩個交通黑點牌,專家表示駕駛者在荃錦交流道往往唔喜歡讓路,隨意切線,好容易發生意外。

 

5. 旺角亞皆老街 - 道路過分狹窄

旺角亞皆老街

照片來源:維基百科

5月1日一名男子喺亂過馬路嘅情況下俾一架的士撞飛上擋風玻璃,再反彈落地而,事主左腳被撞到骨折扭曲,頭部亦受傷。 

喺二零二零年第四季,亞皆老街單單只係旺角範圍已經有五個交通黑點牌,而該地方係2017年亦有一名女士被城巴輾過右腳,需要截肢。旺角道路狹窄,人多車多,所以呢十年間都盡量去完善旺角行人天橋系統網絡,減少人車共用狹窄嘅路面。

 

雖然政府喺每個曾多次發生交通意外嘅地方都會豎起交通黑點嘅牌,但並唔代表無牌嘅道路就可以掉以輕心,所以揸車時記得要由基本做起,唔好㩒電話、緊貼路面情況、顧己及人。每一次經過交通黑點牌時應該作為一個提醒,希望大家都遵守道路使用者守則,避免悲劇發生。

安全駕駛 推薦汽車配件

 

參考資料:

1. 運輸署 道路安全及標準研究部 二零二零年第四季的交通黑點(路口)

2. 現場為交通黑點 人多車多 | 頭條日報

3. 沙田有校巴與私家車相撞24傷 包括22名學童 |Now新聞

4. 【沙田車禍】小巴司機親友到場路祭場面傷感 消息:疑衝燈黑色私家車司機自首 | Topick

5. 荃錦交匯處貨車失控剷石壆 半邊車身凌空掛起 附近交通一度擠塞 | 香港01

6. 觀塘兩車相撞 Audi剷上行人路 兩母女被撞傷送院治理  | 香港01

7. 迴旋處=大塞車?道路研究社:錯在城市規劃 最適合這類地方用

 


Tags:
第二輪「賞你住」懶人包|慳$500勁抵去Staycation?|魔鬼盡在細節位?(附酒店名單)

5款卡通造型月餅|最平$178包5樣嘢|卡娜赫拉的小動物、Miffy、蛋黃哥、Dustykid、Line Friends