【消費券懶人包】 $5000幾時拎？分幾多期？ 點樣拎？ 一文教你消費券領取方法 （最新修訂）

$5000 蚊嘅消費券講咗好一段時間，財爺陳茂波終於公布細節啦，今次就等Linko小編化身Bot機械人，解答大家有關消費券嘅種種疑難。

牛頭角順嫂：👩🏻‍🦱 ；Linko Bot：🤖

#1 👩🏻‍🦱：最快幾時有得拎？分幾多期？

🤖：最快8月1日有得拎，分幾多期拎呢，就要你揀邊隻支付工具，如果係AlipayHK、WeChat Pay HK、Tap & Go，分2期發放，第一期發＄2000，第二期發＄3000，最早拎到嘅日期分別係8月1號同10月1號；如果係八達通，就分3期發放，第一期＄2000，第二期＄2000，最後一期＄1000最快會係11月30日前發出。

#2 👩🏻‍🦱：點樣登記？登記日期係？

🤖：Mark低啦喎，登記日期係7月4日至8月14日，一共6個禮拜，如果趕係7月4日至7月17日呢個兩個禮拜內登記，就可以最快拎到消費券，否則就要等多一個月先有得拎。

登記方法有兩種，分別係電子登記同書面登記，記住呀，唔接受郵寄登記架。

電子登記：透過消費券計劃網站進行，曾申請1萬元的市民，經過保安認證後，電子登記時便毋須重新填入個人資料，只須選定收券的支付工具。書面登記：市民可由6月28日起可取表格，包括可透過網站下載、各郵政局、民政事務總署各區諮詢服務中心、社署各區福利辦、房委會轄下公共屋邨辦事處和客戶服務中心；在7月5日起可去郵局或指定銀行（中銀、東亞、滙豐、恒生、渣打），有投遞箱收表。

#3 👩🏻‍🦱：有咩資格要求？

🤖：順嫂你肯定有得拎啦，只要符合以下資格就有架啦：

1. 在2021年6月18日或之前年滿18歲

2. 香港永久居民或新來港人士

3. 在港居住（在6月18日之前、連續24個月內曾經在香港。不過，廣東或福建計劃、在境外升學或參加勞工處「工作假期」的人士，仍合乎申請資格）

#4 👩🏻‍🦱：可以用喺邊先？我買餸搭車，或者上網店買電器又得唔得？

🤖：根據政府資料，而家有呢4種支付工具嘅交通工具、商店都可以，實體店同網店一樣可以使用，包括零售﹑餐飲﹑服務行業、持有商業登記嘅網店等，即係我地舖頭Linko shop都可以呀。不過就唔適用於海外消費、無商業登記嘅網店、交水電煤或稅項、買金融產品、轉賬等等。

#5 👩🏻‍🦱：咁啲消費券有無期限？會唔會可以加上一萬年？

🤖：我對你嘅愛就有一萬年，啲券無架，唔同支付平台，唔同消費券到期日都唔同，睇以下呢個表你就會明架啦，

#6 👩🏻‍🦱：拎完第一期，第二期想轉其他平台拎又可唔可以呢？

🤖：順嫂呀，乜你咁容易心大心細架～政府暫時就未有有關安排，好大機會只可以揀定一個支付平台，拎足＄5000蚊，唔可以中途轉換。

#7 👩🏻‍🦱：咁最後有無咩Tips可以醒我呀？

🤖：梗係有啦，順嫂，為咗延長消費券限期，好多商店都會推出自家嘅消費禮券，咁就可以買定黎慢慢搣，Linko Shop黎緊都會推出我地店嘅禮物券畀大家買嘢用，而且我地亦都會推出唔同$500、$1000、$1500、甚至係$2000嘅智能家具、潮流電子產品組合、消費券至抵組合等等，一個價錢，就可以有齊最多優惠，你話係咪正先？

參考網頁：

政府新聞公告 

hket 報道

yahoo報道文章