「我知你鍾意大波妹，但我都有大支嘢」
被喻為香港史上第一套嘅BL劇《大叔的愛》，成為全城熱話，由黃德斌飾演嘅大叔KK，簡直顛覆咗過往大家對佢演開中年型男嘅形象，而飾演阿牧嘅Anson Lo 同埋 田田嘅Edan放閃嘅畫面，更加成為大家不停轉發嘅截圖，今次小編就為大家帶嚟全世界5套必睇嘅BL劇，等大家盡情享受腐女，甚至腐男嘅感覺。
大叔的愛｜日本/香港
獲得日本官方授權改編嘅ViuTV劇《大叔的愛》深受香港觀眾歡迎，好評如潮。由翟國強（黃德斌飾）、田一雄（Mirror呂爵安飾）和凌少牧（Mirror盧瀚霆飾）主演，吸引一家大細坐定定追劇，當中阿牧同田田以第一人身視覺派福利嘅畫面，甚至成為好多男人婚姻破裂嘅原因。
上癮｜中國
唔好以為中國無咩好睇嘅BL劇，除咗2006年播映嘅《盛夏光年》2016年播出嘅《上癮》就係一部主題聚焦於高中校園男同性戀情的中國BL網劇，改編自朱文嬌（筆名柴雞蛋）的網絡同志小說《你丫上癮了》。曾經一度有過億人次點擊率，而且經常登上社群媒體熱門話題，不過呢套劇之後喺中國全面下架。男主角包括顧海（黃景瑜飾）同白洛因（許魏洲飾）。
如果30歲還是處男，似乎就能成為魔法師｜日本
《如果30歲還是處男，似乎就能成為魔法師》係改編自日本一部耽美愛情喜劇題材漫畫，由豊田悠擔任作者。故事係講男主角安達清（飾赤楚衛二）到咗30歲都仲係一名處男，從未有過性經驗，結果發現自己可以聽到人地嘅心聲，擁有讀心能力，成為真正嘅魔法師，亦都因為咁，安達清意外發現完美型男嘅男同事黑澤優一（町田啟太飾）竟然暗戀自己。
只因我們天生一對｜泰國
本劇係泰國GMM 25與LINE TV於2020播出嘅浪漫愛情電視劇，改編自JittiRain嘅同名作品，由瓦奇拉維特·奇瓦雷（Bright）同梅塔文·歐帕西安卡瓊（Win）主演，Tine (Win飾) 入學之後受到Green (格拉維·伯恩司裡飾)嘅追求，為咗避開Green，Tine搵咗Sarawat（Bright飾）假扮男朋友，結果弄假成真。第一集嘅播放量單計YouTube已經超過700萬，Bright演唱的OST更加超過1600萬點擊。
藍色大門（電影）｜台灣
台灣一向有唔少好出名嘅BL題材電影同戲劇，包括《刻在我心底的名字》、《女朋友、男朋友》、《誰先愛上他的》，但講到經典，一定係呢套《藍色大門》，2002年由台灣導演易智言執導嘅電影，曾經拎到2002年坎城電影節「導演雙週」單元展示，第23屆香港電影金像獎最佳亞洲電影嘅提名。台灣票房超過新台幣500萬元，係2000年代台灣電影少有嘅佳績。
參考資料：
產品推介
